Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Gəncəli aktyor: "Qohumlarım sevinirlər"

Gəncəli aktyor: "Qohumlarım sevinirlər"

Date: 5 January 2016 14:17

Kəpəz TV (Region TV) xəbər verir ki, prezident İlham Əliyevin mədəniyyət və incəsənət xadimlərinə fəxri adların verilməsi ilə bağlı imzaladığı sərəncamla Azərbaycan mədəniyyətinin inkişafındakı xidmətlərinə görə mükafat alanlardan biri də əməkdar artist Salam İsmayılovdur. 

Salam İsmayılov 1951-ci ilin 23 aprelində Gəncə şəhərində dünyaya gəlib. 1974-cü ildə Azərbaycan Dövlət İncəsənət İnstitutunun aktyorluq fakültəsini bitirib. Bir müddət "Azərbaycanfilm" kinostudiyasında rejissor köməkçisi vəzifəsində çalışıb. 1977-ci ildən isə Gəncə Dövlət Dram Teatrında aktyor kimi fəaliyyət göstərir. Ötən müddət ərzində Salam müəllim Cəfər Cabbarlının "Solğun çiçəklər", Nəriman Həsənzadənin "Atabəylər", Şıxəli Qurbanovun "Sənsiz" əsərlərində və digər tamaşalarda irili və xırdalı rollar ifa edib. Qeyd edək ki, Salam İsmayılov 30 dekabr 2015-ci il tarixində Azərbaycanın əməkdar artisti fəxri adına layiq görülüb.

Salam İsmayılov - əməkdar artist: "Gözəl hisslərdir. Əlbəttə, insanın əməyinə qiymət veriləndə çox sevinir. Yəni bu, hər sahədə belədir. İnsana fərəh, sevinc hissi verir. Qohumların sevinirlər, onların bu aurası səndə fərəh hissini oyadır. Mən bütün layiq olan aktyorların bu adı almasını arzulayıram. Mən istəyirəm, hamı bu sevinci yaşasın, gözəl hisslərdir". 

Əməkdar artist Salam İsmayılov eyni zamanda Teatr Xadimləri İttifaqının üzvü, "Qızıl dərviş" mükafatı laureatıdır. 

Milli.Az


Tags:  Gəncəli aktyor Qohumlarım sevinirlər


RƏYLƏR


Top news