Aktual mövzular: Dollar alış-satışı , Hava haqqında, Məzənnə, Neftin qiyməti

Ötən il ƏƏSMN-in “Çağrı mərkəzi”nə 111386 müraciət daxil olub

Ötən il ƏƏSMN-in “Çağrı mərkəzi”nə 111386 müraciət daxil olub

Date: 5 January 2016 14:44

Ötən ilin dekabr ayında Əmək və Əhalinin Sosial Müdafiəsi Nazirliyinin 142-“Çağrı mərkəzi” tərəfindən 12508 müraciət cavablandırılıb.

 

ƏƏSMN-nin mətbuat xidmətindən Lent.az-a verilən məlumata görə, onlardan 4857-si (38,8%) sosial təminat, 2775-i (22,2%) əmək qanunvericiliyi, 2122-si (17 %) nazirliyin elektron xidmətlərindən istifadə, 1484-ü (11,9%) tibbi-sosial ekspertiza və əlilliyi olan şəxslərin reabilitasiyası və 1270-i (10,1%) məşğulluq məsələlərini əhatə edib.

Müraciətlərin 11762-si (94%) qeyd olunan sahələrlə bağlı sorğu xarakteri daşıyıb və sorğularla bağlı vətəndaşlara ətraflı hüquqi izahatlar verilib. Daxil olan 746 müraciətdə isə müvafiq sahələrlə əlaqədar təklif və şikayətlər ifadə olunub və həmin müraciətlər araşdırılaraq cavablandırılması üçün müraciət vərəqəsi tərtib edilməklə nazirliyin aidiyyəti struktur bölmələrinə göndərilib.

Bildirək ki, Nazirliyin elektron xidmətlərindən istifadə ilə əlaqədar müraciətlərin sayı ötən ay da artmaqda davam edib. Bu məsələ ilə əlaqədar müraciətlər ötən ilin dekabr ayında noyabr ayı ilə müqayisədə 37% artıb.

Qeyd edək ki, ümumilikdə 2015-ci il ərzində 142-“Çağrı mərkəzi” tərəfindən 111386 müraciət cavablandırılıb ki, onlardan 40,4%-i sosial təminat, 23,9%-i əmək qanunvericiliyi, 16,2%-i nazirliyin elektron xidmətlərindən istifadə, 11%-i tibbi-sosial ekspertiza və əlilliyi olan şəxslərin reabilitasiyası, 8,5%-i məşğulluq məsələlərinə aid olub.

 

 

 


Tags:  Ötən il ƏƏSMN-in Çağrı mərkəzinə 111386 müraciət daxil olub

RƏYLƏR


Top news