Aktual mövzular: Dollar alış-satışı , Hava, Məzənnə, Neftin qiyməti

​Polis Gəncədə 35 kiloqramdan artıq narkotik vasitə və odlu silah müsadirə edib

​Polis Gəncədə 35 kiloqramdan artıq narkotik vasitə və odlu silah müsadirə edib

Silah alveri ilə məşğul olan böyük dəstə yaxalandı - RUSİYADA (27 Mart 2017 12:54)
Həmkarlar ittifaqları arasında toqquşma olub: 2 ölü, 22 yaralı (25 Mart 2017 07:03)
Neftçala sakininin evində külli miqdarda narkotik vasitə və odlu silah aşkarlanıb (24 Mart 2017 22:34)

Tarix: 5 Yanvar 2016 16:57

Bakı. 5 yanvar. REPORT.AZ/ Gəncə Şəhər Baş Polis İdarəsinin əməkdaşları tərəfindən həyata keçirilən əməliyyat tədbirləri nəticəsində narkotiklərin qanunsuz dövriyyəsi ilə məşğul olan şəxslərdən ümumi çəkisi 35 kiloqramdan artıq narkotik vasitə və odlu silah müsadirə edilib. Bu barədə “Report”a Daxili İşlər Nazirliyinin (DİN) mətbuat xidmətindən məlumat verilib.
Belə ki, daxil olmuş əməliyyat məlumatı əsasında yanvarın 1-də keçirilmiş tədbirlərlə narkotik vasitələrin qanunsuz dövriyyəsi ilə məşğul olan, əvvəllər dəfələrlə məhkum olunmuş Gəncə şəhər sakini Xəqani Zeynalov saxlanılıb.
X.Zeynalovun üzərinə baxış zamanı 28,2 qram, yaşadığı mənzildən isə əlavə olaraq 1 kiloqram 50 qram tiryək və 29 kiloqram marixuana, həmçinin nömrəsi silinmiş “Makarov” markalı tapança və 3 ədəd patronu olan sandıqça aşkar edilərək götürülüb.
Tədbirlərin davamı olaraq elə həmin gün şəhər sakini, əvvəllər dəfələrlə məhkum olunmuş Xalid Cəlalov da saxlanılıb. Onun üzərindən 102 qram tiryək, yaşadığı mənzilə baxış zamanı isə 5 kiloqram 200 qram marixuana aşkar edilib.
Hər iki faktla bağlı Gəncə Şəhər Baş Polis İdarəsində Cinayət Məcəlləsinin müvafiq maddələri ilə cinayət işləri başlanılıb. Zəruri istintaq və əməliyyat-axtarış tədbirləri davam etdirilir. 

Teqlər:  Polis Gəncədə 35 kiloqramdan narkotik vasitə odlu silah müsadirə edib



RƏYLƏR


Top xəbərlər