Aktual mövzular: Dollar alış-satışı , Hava haqqında, Məzənnə, Neftin qiyməti

Böyük dövlətlər Rusiyasız qala bilmədi (FOTO)

Böyük dövlətlər Rusiyasız qala bilmədi (FOTO)

Date: 5 January 2016 18:01

“Rusiya “Böyük 8” liyə- iqtisadi cəhətdən inkişaf etmiş, aparıcı ölkələr birliyinə qaytarılmalıdır”. Bu fikirləri Almaniya Sol partiya fraksiyasının həmsədri Sara Vaqenknext Bundestaqdakı çıxışı zamanı bildirib.

ANS PRESS-in məlumatına görə, fraksiyasının həmsədri Rusiyanın bu birlikdən kənarlaşdırılmasının əvvəldən səhv addım olduğunu söyləyib.

“Biz Suriyanın timsalında şahid olduq ki, Rusiya olmadan siyasi qərarlara nail olmaq mümkün deyil. Rusiyanın kənarlaşdırılması davam etdikcə, ciddi münaqişələrin gərginləşməsi təhlükəsi yaranır”.


Almaniya Sol partiya fraksiyasının həmsədri Sara Vaqenknext


Daha əvvəl Almaniya Kansleri Angela Merkel Rusiyanın G7 də iştirakını mümkünsüz hesab edərək, Rusiyanı dünya üçün təhlükə adlandırıb.

Eyni zamanda AFR-in Xarici İşlər Naziri Valter Ştaynmayer Suriya və İraq münaqişələrinin həllində Rusiyaya ehtiyac olduğunu vurğulayaraq, onun tezliklə G8-ə qayıtmasının vacibliyini söyləyib.

2014-cü ildə Krımda baş verən hadisələr fonunda Rusiya “Böyük səkkizlik”dən kənarlaşdırılıb. Avropa Birliyi və ABŞ Krımın Rusiyaya birləşdirilməsi ilə əlaqədar rəsmi Moskvaya qarşı bir sıra sanksiyalar tətbiq edib.

Dünyanın aparıcı ölkələrinin liderləri Rusiyanın sədirliyi ilə Soçidə keçirilməli olan G8 sammitində iştirak etməkdən imtina ediblər. Onun əvəzinə Brüsseldə G7 sammiti keçirilib.


“G8” ölkələri

“G8” dünyanın ümum daxili məhsulu ən yüksək olan ölkələrini əhatə edən qrupdur. Kanada, Fransa, Almaniya, İtaliya, Yaponiya, Rusiya, Böyük Britaniya, ABŞ-ı əhatə edir. “G8” ölkələri 1975-ci ildən etibarən iqtisadi zirvə toplantıları təşkil edirlər.

Tags:  Böyük dövlətlər Rusiyasız qala bilmədi FOTO


RƏYLƏR


Top news