Aktual mövzular: Dollar alış-satışı , Hava, Məzənnə, Neftin qiyməti

Daş karxanasında insan ölümünə səbəb olan yanğınla əlaqədar cinayət işi başlanıb

Məşum qəzaya səbəb olan sürücünü hansı cəza gözləyir? - HƏR ÖLÜMƏ GÖRƏ 2 İL... (10 Mart 2017 13:24)
Tələbələrin ölümünə səbəb olan sürücü tutuldu - İŞ AÇILDI (09 Mart 2017 11:49)
Şəmkirdə piyadanın ölümü ilə nəticələnən yol qəzası olub (08 Mart 2017 13:27)

Tarix: 5 Yanvar 2016 18:28


Bakı, 5 yanvar, AZƏRTAC
Yanvarın 1-də saat 01 radələrində Qaradağ rayonunun Qızıldaş qəsəbəsində yerləşən “Gülbaxt” daş karxanası kompleksində fəaliyyət göstərən “Kristal” MMC-yə məxsus konteyner tipli istirahət otağında baş vermiş yanğın nəticəsində həmin müəssisədə usta işləyən Ağcabədi rayon sakini, 1968-ci il təvəllüdlü Abbas Aslanovun yanmış meyiti aşkar edilib.
Bakı Şəhər və rayon prokurorluqlarının, rayon polis idarəsinin, Ədliyyə Nazirliyinin Məhkəmə Ekspertizası Mərkəzinin və məhkəmə-tibb ekspertlərinin iştirakı ilə hadisə yerinə və meyitə baxış keçirilib. Hadisə yerindən maddi sübutlar götürülüb və digər prosessual hərəkətlər yerinə yetirilib.
Faktla bağlı Qaradağ rayon prokurorluğunda Cinayət Məcəlləsinin 162.2-ci (əmək mühafizəsi qaydalarını pozma ehtiyatsızlıqdan insan ölümünə səbəb olduqda) maddəsi ilə cinayət işi başlanıb və müvafiq ekspertizalar təyin edilib.
Bakı Şəhər Prokurorluğunun AZƏRTAC-a daxil olan məlumatında bildirilir ki, hazırda iş üzrə istintaq tədbirləri davam etdirilir.

Teqlər:  Daş karxanasında insan ölümünə səbəb olan yanğınla əlaqədar cinayət işi başlanıb



RƏYLƏR


Top xəbərlər