Aktual mövzular: Dollar alış-satışı , Hava haqqında, Məzənnə, Neftin qiyməti

Tofiq Bəhramovun qərarı 50 ildən sonra sübüt olundu (VİDEO, FOTO)

Tofiq Bəhramovun qərarı 50 ildən sonra sübüt olundu (VİDEO, FOTO)

Date: 5 January 2016 18:51

Britaniyanın Sky Sports telekanalı xüsusi araşdırmada azərbaycanlı hakim Tofiq Bəhrəmovun 50 il əvvəl verdiyi qərarın düz olduğunu təsdiqləyib.

ANS PRESS-in məlumatına görə, DÇ-1966-cı ilin finalında keçirilən İngiltərə - AFR (Almaniya Federativ Respublikası) matçında həmyerlimiz Tofiq Bəhramovun verdiyi qərar növbəti dəfə müzakirəyə çıxarılıb.

EA Sportsun müasir texnologiyaların köməyi ilə müəyyən olunub ki, Tofiq Bəhrəmov o vaxtı düz qərar verib. Verilişin aparıcısı əfsanəvi Cimmi Karraqer və Ed Çemberlen bu barədə diskussiya aparıblar.



“Nəhayət ki, yan hakimin qərarının düz olduğu müəyyən olunub. Bəli, ola bilsin o, qərar vermək üçün əla mövqədə olmayıb, lakin biz sübüt etdi ki, Tofiq Bəhrəmov düz qərar verib”.



Əfsanəvi hakimin 1966-cı ildə İngiltərədə keçirilən VIII dünya çempionatının finalında İngiltərə komandasının lehinə verdiyi obyektiv qərar “Uembli” stadionuna toplaşmış 98000 izləyicinin yaddaşına həkk olunub və dünya futbol tarixinə qızıl hərflərlə yazılıb.


Tofiq Bəhrəmov

Almaniya və İngiltərə milliləri arasında baş tutan final oyunun əsas vaxtı 2:2 hesabı ilə başa çatdığından əlavə vaxt oynanılır. Görüşün 101-ci dəqiqəsində Cefri Hertsin mübahisəli qolu məhz Tofiq Bəhramovun qərarından sonra qeydə alınıb.


Almaniya - İngiltərə 2-4

Tofiq Bəhramov bu oyunda sadəcə yan xətt hakimi funksiyasını yerinə yetirsə də görüşdən sonra Böyük Britaniya kraliçası II Yelizaveta özü “Qızıl ilahə” və “Qızıl fit” mükafatının kiçik modelini həmyerlimizə təqdim edib.

Tags:  Tofiq Bəhramovun qərarı 50 ildən sonra sübüt olundu VİDEO FOTO

RƏYLƏR


Top news