Dollar sabah bahalaşacaq

Dollar sabah bahalaşacaq
19:01 5 Yanvar 2016
1413 Digər
Ölkə mətbuatı
A- A+

Dollar bayramdan sonra yeni ilə bahalaşma ilə başlayıb. Azərbaycan Mərkəzi Bankının (AMB) İdarə Heyətinin dekabrın 21-də üzən məzənnə rejiminə keçidlə bağlı qəbul etdiyi qərar manatın yenidən dollar qarşısında ucuzlaşmasına səbəb olub.


Ans Press-in məlumatına görə, Azərbaycan Mərkəzi Bankı yanvarın 6-na manatın məzənnəsini açıqlayıb.

Məlumata görə, 05.01.2016-cı il tarixində banklararası valyuta bazarında keçirilmiş əməliyyatlar üzrə orta çəkili məzənnə 1,5626 təşkil edib. Bununla, AMB-nin 06.01.2016-cı il tarixinə USD/AZN rəsmi məzənnəsi 1,5626 səviyyəsində müəyyən olunub.

Bu gün isə dolların məzənnəsi 1.5610 manatdır. Avronun məzənnəsində cüzi ucuzlaşma olub. Dekabrın 30-da 1.7046 manat olan avro bu gün 1.6895 manatdır.

Rusiya rublu 0.0216 manatdan 0.0215 manata düşüb.

Uzunmüddətli xarakter daşıyan xarici iqtisadi şokların güclənməsini nəzərə alaraq tədiyə balansının tarazlaşdırılması, ölkənin valyuta ehtiyatlarının kritik səviyyədə qorunması, milli iqtisadiyyatın beynəlxalq rəqabət qabiliyyətinin təmin olunması məqsədilə Mərkəzi Bankın İdarə Heyəti 21 dekabr 2015-ci il tarixində üzən məzənnə rejiminə keçilməsi barədə qərar qəbul edib.

Bu qərara əsasən, manatın məzənnəsi başlıca olaraq valyuta bazarında tələb və təklifin nisbətini müəyyən edən fundamental amillərin təsirinə uyğun olaraq formalaşacaq. Mərkəzi Bankın valyuta bazarında iştirakı isə bu rejimə uyğun həyata keçiriləcək.

Üzən məzənnəyə keçid haqda qərar fevraldan sonra ikinci dəfə manatın ABŞ dollarına qarşı kəskin ucuzlaşmasına səbəb olub.

Mərkəzi Bank bayram günlərindən öncə - ötən ilin son iş günü olan 30 dekabrda dolların məzənnəsi ilə bağlı xəbərdarlıq edib. Bank bildirib ki, bayram günlərində (31 dekabr-4 yanvar) milli valyutanın məzənnəsi ilə bağlı yarana biləcək hər hansı spekulyativ xarakterli məlumatlara və şayiələrə inanmasınlar.

Mərkəzi Bankın (AMB) İdarə Heyəti dekabrın 21-də Yeni məzənnə siyasəti rejiminə uyğun olaraq tələb və təklif nəzərə alınmaqla manatın ABŞ dollarına nisbətən rəsmi məzənnəsini 5 yanvar 2016-cı il tarixi üçün 1.5610 müəyyənləşdirmişdi.


Xəbərin orijinal ünvanı: http://anspress.com/index.php?a=2&lng=az&cid=2&nid=368947

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR