Aktual mövzular: Dollar alış-satışı , Hava, Məzənnə, Neftin qiyməti

Çexiya Moravski Krumlov şəhərinin qəsrini hərraca çıxarıb

Çexiya Moravski Krumlov şəhərinin qəsrini hərraca çıxarıb

Maşın nömrəsinə 158 min dollar ödədi - FOTO (16 Mart 2017 00:38)
Maşın nömrəsi 158 min dollara satıldı (15 Mart 2017 20:12)

Tarix: 5 Yanvar 2016 19:33


Praqa, 5 yanvar, AZƏRTAC
Moravski Krumlov şəhərinin qəsri hərraca qoyulub. Tarixi obyektin başlanğıc qiyməti 14 milyon krondur (təxminən 400 min avro). Hərracda şəhər meriyası iştirak edəcək. Meriya ümid bəsləyir ki, qəsri uğurla alacağı təqdirdə ondan sənət əsərlərinin, o cümlədən əvvəllər orada saxlanmış Alfons Muxanın “Slavyan epopeyası” monumental əsərinin nümayiş olunduğu sərgi kompleksi kimi istifadə edilməsini davam etdirəcək.
Bina hazırda çətin maliyyə durumunda olan “Reality MK” şirkətinə məxsusdur. Qədim qalanın yerində intibah üslubunda ucaldılmış qəsr Cənubi Moraviyanın əsas tarixi-memarlıq abidələrindən biridir. 1537-ci ildə İsveçrə həkimi, filosof və intibah dövrünün əlkimyagəri Paratsels qəsrə baş çəkib. Yerli hakimiyyət orqanları obyektin yenidən qurulmasını başa çatdırmağı planlaşdırır. Hazırda binanın ancaq bir hissəsi bərpa edilib.
Pərvanə Qarayeva
AZƏRTAC-ın xüsusi müxbiri
Praqa

Teqlər:  Çexiya Moravski Krumlov şəhərinin qəsrini hərraca çıxarıb



RƏYLƏR


Top xəbərlər