Qəbələ, 6 yanvar, Şahnəzər Bəşirov, AZƏRTAC
2015-ci ildə Qəbələ rayon Məşğulluq Mərkəzinə 705 nəfər işaxtaran vətəndaş müraciət edib. Onlardan 148-i qadın, 178-i gəncdir.
Mərkəzdən AZƏRTAC-a bildiriblər ki, müraciət edənlərin 332 nəfəri öz peşəsinə uyğun daimi işlə təmin olunub. Onların da 76-sı qadın, 153-ü gəncdir. Vətəndaşlar əsasən tikinti, təbii qaz və içməli su təchizatı, səhiyyə və sosial xidmətlər, turizm və kommunal xidmət sahələrində, otel, mağaza və restoranlarda işlə təmin edilib.
Bundan əlavə, Məşğulluq Mərkəzi 17 nəfəri peşə hazırlığı kurslarına cəlb edib, 22 nəfərə işsiz statusu verərək müavinət ödəyib.