Aktual mövzular: Dollar alış-satışı , Hava, Məzənnə, Neftin qiyməti

Ukrayna Azərbaycandan keçməklə Çinə alternativ tranzit marşrutunu işə salır

Ukrayna Azərbaycandan keçməklə Çinə alternativ tranzit marşrutunu işə salır

"Ermənistandan uçan təyyarədə radioaktiv yük aşkarlanıb" - Belarus DSX (20 Mart 2017 16:58)
Latviya ZUBR marşrutunu Azərbaycan və Çinə qədər uzatmaq istəyir (13 Fevral 2017 20:12)

Tarix: 6 Yanvar 2016 10:12

Bakı. 6 yanvar. REPORT.AZ/ Rusiyanın ölkədən keçməklə Qazaxıstana yük tranzitini qadağan etməsindən sonra Ukrayna Azərbaycandan keçməklə Çinə alternativ tranzit marşrutunu işə salır.
"Report" UNİAN-a istinadən xəbər verir ki, yanvarın 15-də İliçevskdən çıxacaq konteynerli qatar sınaq reysi həyata keçirəcək. Qatar Ukrayna - Gürcüstan - Azərbaycan - Qazaxıstan - Çin marşrutu üzrə hərəkət edəcək.
Ukrayna İnfrastruktur Nazirliyinin məlumatında deyilir ki, bu marşrut "İpək Yolu"nun yeni istiqamətidir və Rusiya marşrutuna alternativdir. Vurğulanır ki, marşrut xətti üzrə iki dəfə - İliçevsk - Batumi və Ələt - Aktau marşrut xəttində bərədən istifadə olunacaq.
Nazirlikdən bildirilib ki, Transxəzər beynəlxalq nəqliyyat marşrutu layihəsinin imkanları potensial malgöndərənlərə 2015-ci il noyabrın 16-da roud-şouda və dekabrın 3-də Odessada keçirilmiş "Avropa və Asiyanı birləşdirərkən: transkontinental marşrutlar sisteminin formalaşdırılmasına yeni baxış" beynəlxalq forumunda təqdim edilib.

Teqlər:  Ukrayna Azərbaycandan keçməklə Çinə alternativ tranzit marşrutunu işə salır



RƏYLƏR


Top xəbərlər