Müşahidəçilərin fikrincə, yeni strategiya Moskvanın Krımı ilhaq etməsi və Ukraynanın şərqində separatçılara dəstək verməsi, eləcə də Suriyaya müdaxiləsindən sonra Rusiya və Qərb arasında son zamanlar münasibətlərdə gərginliyi əks etdririr. Milli.Az amerikaninsesi.org-a istinadən bildirir ki, prezident Vladimir Putinin Rusiyanın milli təhlükəsizliyinə dair yeni strategiyası haqda dekabrın 31-də imzaladığı sənəddə NATO birmənalı şəkildə təhlükə kimi göstərilir.
Kəskin tonda yazılmış 40 səhifədən ibarət sənəddə əsas diqqət Rusiyanın beynəlxalq sistemdən təcrid edilməsi məsələsinə yönəlib. Bundan başqa, burada dövlət maraqlarının şəxsi maraqlardan üstünlüyünə diqqət çəkilir. Sənəddə Rusiyanın "konstitusiya quruluşu, suverenliyi, müstəqilliyi, hökumət və ərazi bütövlüyünün toxunulmazlığının" təmin olunması vurğulanır.
Milli.Az
