Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

"20 Yanvar" metro stansiyasının girişində sərnişin sıxlığı yaranıb

"20 Yanvar" metro stansiyasının girişində sərnişin sıxlığı yaranıb

Date: 6 January 2016 10:37

Bakı. 6 yanvar. REPORT.AZ/ Bu gün səhər saatlarında Bakı Metropoliteninin "20 Yanvar" stansiyasında kartyükləmə aparatlarının işində problem yaranıb və bu səbəbdən həmin stansiyada böyük sərnişin sıxlığı yaranıb. "Report" xəbər verir ki, stansiyanın girişində quraşdırılmış "BakıKart"ın 5 kartyükləmə aparatından 3-ü işləməyib.
"BakıKart" əməkdaşları sərnişinlərə aparatların qəpik qəbul etmədiyini, ancaq kağız pul yükləmək mümkün olduğunu bildiriblər. Sərnişinlərin verdiyi məlumata görə, bir müddət sonra həmin aparatlar ümumiyyətlə pul qəbul etməyib. Təxminən 1 saat ərzində texniki işçilərin bir neçə dəfə müdaxilə etməsinə baxmayaraq, həmin aparatların işə salınması mümkün olmayıb.
Bakı Metropoliteninin mətbuat xidmətinin rəhbəri Nəsimi Paşayev "Report"a açıqlamasında hazırda həmin stansiyada 1 kartyükləmə aparatının işləmədiyini və tezliklə həmin problemin də aradan qaldırılacağını bildirib.

Tags:  Yanvar metro stansiyasının girişində sərnişin sıxlığı yaranıb

RƏYLƏR


Top news