Bakı, 6 yanvar, Elvin Camalov, AZƏRTAC
Güclü yağış və fırtına ilə əlaqədar yanvarın 6-7-də “Türk Hava Yolları” (THY) İstanbul Atatürk aeroportundan olan daxili və xarici aviareyslərini təxirə salıb. Yanvarın 7-də təxirə salınan uçular arasında Bakıya – Heydər Əliyev Beynəlxalq Aeroportuna olan uçuşlarda var.
AZƏRTAC xəbər verir ki, bu barədə “Türk Hava Yolları”nın saytında məlumat verilib. Hava şəraiti ilə əlaqədar THY ümumilikdə 84 aviareysini müvəqqəti dayandırıb.