Aktual mövzular: Dollar alış-satışı , Hava haqqında, Məzənnə, Neftin qiyməti

"Mənə soyuqdur" deyən arvadının boğazını kəsdi

"Mənə soyuqdur" deyən arvadının boğazını kəsdi

Date: 6 January 2016 11:52

Füzulidə qətl hadisəsi baş verib.

Milli.Az Qafqazinfo-ya istinadən bildirir ki, axşam saatlarında, rayonun Balabəhmənli kənd sakini, 1978-ci il təvəllüdlü Sadıqov Gəncəvi Zöhrab oğlu həyat yoldaşı, 1984-cü il təvəllüdlü Əsədova Vüsalə Hidayət qızının boğazını bıçaqla kəsib.

32 yaşlı Vüsalə Əsədovanın həyatını xilas etmək mümkün olmayıb.

İlkin ehtimala görə, hadisəyə səbəb ailə-məişət mübahisəsi olub. Belə ki, Vüsalə Əsədova evin istilik sistemindən şikayətlənərək, ona soyuq olduğunu bildirib. Bu şikayət isə Gəncəvi Sadıqovun xoşuna gəlməyib və birincinin ölümü ilə nəticələnib.

Qeyd edək ki, ailənin 6-cı sinifdə təhsil alan oğlu var. O, baş verən qətldən ciddi psixoloji sarsıntı keçirib. Belə ki, uşaq ətrafdakı insanlarla söhbətində: "Anamın qanını atamda qoymayacağam", - deyib.

Məsələ ilə bağlı cinayət işi açılıb, araşdırma aparılır.

Milli.Az


Tags:  Mənə soyuqdur deyən arvadının boğazını kəsdi


RƏYLƏR


Top news