Aktual mövzular: Dollar alış-satışı , Hava haqqında, Məzənnə, Neftin qiyməti

Gürcüstanda yeni yeraltı qaz anbarının tikintisi bu il başlayacaq

Gürcüstanda yeni yeraltı qaz anbarının tikintisi bu il başlayacaq

Date: 6 January 2016 12:22

Bakı. 6 yanvar. REPORT.AZ/ Gürcüstan 2016-cı ildə yeni yeraltı qaz anbarının tikintisinə başlamağı planlaşdırır. "Report" "Sputnik-Qruziya"ya istinadən xəbər verir ki, bu barədə Gürcüstanın Energetika Nazirliyinin hesabatında məlumat verilir.
Qaz anbarı Samqori neft yatağının cənub hissəsindəki ərazidə tikiləcək.
Beynəlxalq tenderin qalibi olmuş Fransanın "GEOSTOCK SAS" şirkəti 2016-cı ilin əvvəlində yeraltı qaz anbarının tikintisi üçün texniki-iqtisadi əsaslandırma işini başa vuracaq.
Bununla paralel olaraq, Gürcüstanın Neft-Qaz Korporasiyası (GOGC) layihənin maliyyələşdirilməsi şərtlərinin öyrənilməsi və optimallaşdırılması məqsədilə kommersiya bankları, beynəlxalq maliyyə institutları və özəl şirkətlərlə danışıqlar aparır.
Yeraltı qaz anbarının inşası başa çatdıqdan sonra orada 230-250 milyon kubmetr təbii qaz saxlanması mümkün olacaq. Bu isə Gürcüstanın illik istehlakının 15 faizini təşkil edir.

Tags:  Gürcüstanda yeni yeraltı qaz anbarının tikintisi bu il başlayacaq

RƏYLƏR


Top news