Aktual mövzular: Dollar alış-satışı , Hava, Məzənnə, Neftin qiyməti

Etibar Əsədov: Parisdə və Bakıda maraqlı konsert proqramları ilə çıxış etməyi planlaşdırıram

Etibar Əsədov: Parisdə və Bakıda maraqlı konsert proqramları ilə çıxış etməyi planlaşdırıram

Valeriy Meladzedən azərbaycanlı pərəstişkarlarına SÜRPRİZ (22 Fevral 2017 16:48)
Alim Qasımov Tehranda konsert verəcək (15 Fevral 2017 17:17)
Anna Netrebko və Yusif Eyvazov Los-Ancelesdə konsert proqramı ilə çıxış edəcəklər (15 Fevral 2017 08:17)

Tarix: 6 Yanvar 2016 12:23


Bakı, 6 yanvar, Flora Şükürova, AZƏRTAC
Maraqlı layihələr üzərində işləyirəm. Yeni musiqilər yazmaq və albom buraxmaq fikrindəyəm. Parisdə və Bakıda maraqlı konsert proqramları ilə çıxış etməyi planlaşdırıram.
Bu sözləri AZƏRTAC-a müsahibəsində Fransada yaşayan azərbaycanlı pianoçu Etibar Əsədov deyib.
Bakıdakı Bülbül adına orta ixtisas musiqi məktəbində klassik piano təhsili alan musiqiçi uşaqlıqdan pianoya böyük maraq göstərdiyini bildirib. O, caza olan həvəsinin artmasında Vaqif Mustafazadənin kompozisiyalarının böyük rolu olduğunu söyləyib.
2008-ci ildən Bakı Beynəlxalq Caz festivallarında iştirak etməyə başlayan E. Əsədli Üzeyir Hacıbəyli adına Bakı Musiqi Akademiyasının bəstəkarlıq fakültəsində Ceyhun Allahverdiyevin sinfində təhsil alıb.
Gənc pianoçu konservatoriyada oxuduğu illərdə Avropanın bir çox ölkələrində konsertlər verdiyini, müxtəlif festivallarda və layihələrdə iştirak etdiyini vurğulayıb. O, deyib: "Bakıdan sonra təhsilimi Parisdə davam etdirməyə qərar verdim. Çünki Amerikada cazın mərkəzi Nyu-York hesab edilirsə, Avropada bu məkan Parisdir. Hazırda Parisdə həm konsertlər verirəm, həm də “EDY” adlı studiya açmışam. Bütün yaradıcı işlərimi burada görürəm və təhsilimi davam etdirməyə də hazırlaşıram",-deyə E. Əsədli əlavə edib.
“Sarı gəlin” mahnısının caz ilə sintezinə münasibət bildirən pianoçu qeyd edib ki, onun bu layihəsi uğurlu alınıb: “Zövqlər müxtəlifdir, hamı hər musiqini sevə bilməz. Amma çoxluq bu parçanı müsbət qiymətləndirir. Cəmiyyət inkişaf etdikcə janrlar da, musiqilər də dəyişir. Hər dövrün öz aranjemanı, öz baxışı, öz tərzi var. Yeniliyi olduğu kimi qəbul etmək lazımdır”.
 

Teqlər:  Etibar Əsədov Parisdə Bakıda maraqlı konsert proqramları çıxış etməyi planlaşdırıram



RƏYLƏR


Top xəbərlər