Aktual mövzular: Dollar alış-satışı , Hava haqqında, Məzənnə, Neftin qiyməti

Robert Prosineçki: "O, klubun əsgəridi"

Robert Prosineçki: "O, klubun əsgəridi"

Date: 6 January 2016 12:32

"Düzü, "Real"dakı dəyişiklikdən dünən səhər mətbuatı izləyərkən xəbər tutdum. Bir neçə həftə idi ki, təzyiqlər vardı və nələrisə dəyişmək lazım gəlirdi. Belə olan halda ilk seçim baş məşqçi üzərində olur. İndi həmin posta klubun həqiqi əfsanəsi, dünyanın ən yaxşı oyunçularından biri gəlib".

Fanat.az xəbər verir ki, bu sözləri Azərbaycan milli komandasının baş məşqçisi Robert Prosineçki Zinəddin Zidanın "Real"ın klubuna baş məşqçi postuna təyinatına münasibət bildirərəkən deyib. 

Xorvat mütəxəssis goal.com-a açıqlamasında Zidanın təyinatını doğru addım hesab edib: "Barselona" ölkə çempionluğu uğrunda mübarizədə favoritdi. Ancaq Zidan da nələrsə etməyə çalışacaq. O, klubun əsgəridi. Zidan klubun əvəzedicilərdən ibarət komandasının baş məşqçisi olub və uğur qazanıb. O, klub tərəfindən qəbul olunur. Benitesdən fərqli olaraq, Zidanın futbolçu və azarkeşlərə problemi olmayacaq. O, ictimaiyyət tərəfindən asanlıqla qəbul olunacaq".

1991-1994-cü illərdə "Real"da çıxış edən Prosineçki Madrid klubunda olan xorvatiyalı futbolçular haqda da danışıb. O, Luka Modriç və Mateo Kovaçiç haqda bunları deyib: "Sözsüz ki, Zidan hücum futbolu quracaq. Bu, sadəcə, onun qanındadı. Bəzən "Real"a qələbə kifayət etmir, cəlbedici oyun göstərmək lazımdı. Mən bir neçə il orada olmuşam və "Santyaqo Bernabeu"nun izdihamına bələdəm. Sözsüz ki, Modriç və Kovaçiç Zidanla oynamağa zaman tapacaq. Burada heç bir problem yoxdu".

Fanat.az

Tags:  Robert Prosineçki klubun əsgəridi

RƏYLƏR


Top news