Aktual mövzular: Dollar alış-satışı , Hava haqqında, Məzənnə, Neftin qiyməti

Nemtsovun qatillərindən etiraf: "Üçüncü cəhddə öldürdük"

Nemtsovun qatillərindən etiraf: "Üçüncü cəhddə öldürdük"

Date: 6 January 2016 14:09

Rusiyalı siyasətçi Boris Nemtsovu öldürməkdə təqsirli bilinən Zaur Dadayev və Anzor Qubaşev qətl gününə kimi onu iki dəfə öldürməyə cəhd göstərdiklərini açıqlayıblar.

 

APA-nın “Rosbalt”a istinadən verdiyi məlumata görə, bu barədə onlar yazılı və görüntülü sorğular zamanı deyiblər.

 

Bildirilir ki, Parisdəki “Charlie Hebdo” jurnalına 7 yanvar tarixli silahlı hücuma qədər onlar Boris Nemtsovu öldürüb-öldürməmək məsələsində tərəddüd ediblər. Bu tarixdən sonra isə fevralın 27-nə qədər iki dəfə buna cəhd etsələr də, alınmayıb. “Nemtsovu 27 fevrala kimi 3 dəfə görmüşük. Ya məsafə, ya da vəziyyət cinayəti törətməyə imkan verməyib”,- deyə Anzor Qubaşev söyləyib. Zaur Dadayev də Nemtsova 2 dəfə atəş açmağa çalışdığını, lakin ətrafda insanların çoxluğu səbəbi ilə bunu edə bilmədiyini deyib.

 

Olay baş verən gün (27 fevral, 2015) hər iki şəxs Nemtsovun gəlmədiyini görüb, geri - öz “post”lartına qayıtmaq istəyiblər. Lakin daha yarım saat gözlədikdən sonra müxalif lider hadisə yerinə gəlib. Onlar əvvəlcə Kremlin yaxınlığında atəş açmaq istəməsələr də, qartəmizləyən maşının atəş səsini boğacağını düşünərək Nemtsovu güllələyiblər. 


Tags:  Nemtsovun qatillərindən etiraf Üçüncü cəhddə öldürdük

RƏYLƏR


Top news