Aktual mövzular: Dollar alış-satışı , Hava haqqında, Məzənnə, Neftin qiyməti

Azərbaycandan Rusiyaya yarım milyon dollar aparan tutuldu

Date: 6 January 2016 14:31

Dağıstan prokurorluğu Azərbaycandan yarım milyon dollara yaxın pul çıxarmaq istəyən şəxs barədə məlumat yayıb. ANS PRESS-in Rusiya mətbuatına istinadla verdiyi məlumata görə, K.Əliyev adlı şəxs 2015-ci ilin sentyabr ayında Azərbaycandan Rusiyaya qeyri-leqal yolla, yük maşınının kuzovunda 424 min ABŞ dolları keçirməyə cəhd edib.

Mətbuatda yer alan məlumata görə, o rusiyalı sərhədçilər tərəfindən yaxalanıb.

Məlumata görə, o maşının kuzovunda külli miqdarda dollarla yanaşı 4,5 milyon rubl (təqribən 96 min manat) da gizlədib.

K.Əliyev Dağıstanla Azərbaycan sərhədindəki Tahirkənd-Qazmalar sərhəd-keçid məntəqəsində saxlanılıb. Faktla bağlı cinayət işi qaldırılıb.

Yeni il ərəfəsində isə ona qarşı irəli sürülən ittiham təsdiqlənib.

Saxlanılan şəxs Dağıstan sakinidir. Onun cinayət işi Maqaramkent rayon məhkəməsinə göndərilib.

Tags:  Azərbaycandan Rusiyaya yarım milyon dollar aparan tutuldu


RƏYLƏR


Top news