Səudiyyə Ərəbistanı avropalı müştəriləri üçün neftin satış qiymətində endirim edib. Ölkə bu qərarı rəsmi Tehranla münasibətlərin gərginləşdiyini əsas gətirərək, İranın Avropa bazarına çıxışını əngəlləmək üçün qəbul etdiyini bildirib.
Report-un "The Wall Street Journal" qəzetinə istinadən verdiyi xəbərə görə, S.Ərəbistanının "Aramco" dövlət neft şirkəti Şimal-Qərbi Avropadakı müştəriləri ilə fevral kontraktları üçün endirimi 0,60 dollar/barel, Aralıq dənizi regionu üçün isə 0,20 dollar/barel artırıb. Bununla yanaşı, Asiya müştəriləri üçün qiymət 0,60 dollar/barel artırılıb, ABŞ bazarında isə dəyişməyib.
Qeyd edək ki, 2012-ci ildə İrana qarşı embarqo tətbiq edilənə qədər İtaliya neft ehtiyacının 13%-ni, İspaniya isə 16%-ni İrandan alıb. Embarqodan sonra isə bu boşluğu S.Ərəbistanı doldurub. Bu səbəbdən S.Ərəbistanı bu iki ölkələrdəki bazar payını qorumağa çalışır.
Milli.Az