Aktual mövzular: Dollar alış-satışı , İstanbulda terror, Hava haqqında, Məzənnə, Neftin qiyməti

15 gün gecikdirilən istiliyin haqqı necə hesablanacaq?

15 gün gecikdirilən istiliyin haqqı necə hesablanacaq?

Date: 6 January 2016 17:12

Hansı yaşayış binasına istilik nə vaxt verilibsə, oradakı mənzillərdə yaşayan abonentlərin də istilik haqqı həmin tarixdən, həmin gündən hesablanır.

Bu barədə Milli.Az-ın sorğusuna cavab olaraq "Azəristiliktəchizat" ASC-nin Abonent və Müştəri Xidmətlərinin rəisi Rafiq Əliyev deyib.

Xidmət rəisinin sözlərinə görə, istilik pulu istilik alınan günlərin sayına uyğun hesablanacaq:

Bu il qazanxanalar, əsasən, noyabrın 27-də, bəzi qazanxalar isə fərqli vaxtlarda işə düşüb. Bizdə hansı bina neçə gün istilik alıbsa, onların uçotu aparılıb. Abonentlər üçün istilik haqqı istilik alınan günlərin sayına uyğun hesablanacaq. Ona görə də istilik haqları avtomatik olaraq hamıya eyni qaydada noyabrın 15-dən hesablana bilməz. Bizə gündəlik məlumatlar daxil olur ki, hansı bina hansı gündən istilik şəbəkəsinə qoşulub. Hətta hesabatda qazanxananın işə salındığı və rejimə nə vaxt çıxıldığı saat da dəqiq göstərilir".

Qeyd edək ki, mövcud tariflərlə görə, istilik haqqı mənzilin hər 1 kv.m-i üçün 15 qəpik təşkil edir.

Xatırtladaq ki, "Azəristiliktəchizat" ASC ilə "Azəriqaz" İB arasında borc problemi olduğundan payız-qış istilik mövsümünün başlanması ilə əlaqədar yaşayış binalarına və sosial obyektlərə istiliyin verilməsinə noyabrın 15-dən etibarən deyil, bir neçə gün sonra başlanıb.

İlkin İzzət
Milli.Az


Tags:  gün gecikdirilən istiliyin haqqı hesablanacaq


RƏYLƏR


Top news