Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Bakıda doğuşda ölən analar və körpələrə görə cinayət işi açıldı

Bakıda doğuşda ölən analar və körpələrə görə cinayət işi açıldı

Date: 6 January 2016 17:36

Yeni ilin ilk günlərində paytaxtda qeydə alınmış ana və uşaq ölümləri ilə bağlı cinayət işi açılıb.
Nərimanov rayon Prokurorluğundan ANS PRESS-ə verilən məlumata görə, hadisə yanvarın 1-də saat 07:30-da paytaxtın Nərimanov rayon ərazisində fəaliyyət göstərən Bakı Sağlamlıq Mərkəzində baş verib. 1984-cü il təvəllüdlü Günay Ağayevanın doğuş zamanı qəflətən səhhətinin pisləşməsi nəticəsində bətnindəki uşağın və onun üzərində həyata keçirilmiş qeysəriyyə əməliyyatından sonra isə göstərilmiş müvafiq tibbi tədbirlərə baxmayaraq özünün ölməsi faktına görə rayon prokurorluğunda Cinayət Məcəlləsinin 314.2-ci (səhlənkarlıq) maddəsi ilə cinayət işi başlanılıb.

Ölümün səbəblərini müəyyən etmək üçün məhkəmə-tibb ekspertizası təyin edilmiş və digər zəruri istintaq tədbirləri aparılıb.

İkinci cinayət işi Klinik Xəstəxanada baş verən ölüm faktı ilə bağlıdır. 1993-cü il təvəllüdlü Ülviyyə Abbasova yanvarın 2-də saat 23 radələrində Göygöl şəhər Mərkəzi Xəstəxanasının 16 dekabr 2015-ci il tarixli göndərişinə əsasən “35-36 həftəlik hamiləlik, ölü döl, ciftin hissəvi ayrılması, hipoqlemekiya, anemiya, loporotomiya, aşağı seqmentdə qeysəriyyə əməliyyatı, birinci cərrahi doğuş, endogen intaksikasiya, qaraciyər hepotozu” diaqnozu ilə Respublika Klinik Xəstəxanasının reanimasiya şöbəsinə yerləşdirilib. Ülviyyə Abbasovanın ölməsi faktına görə Cinayət Məcəlləsinin 124.1-ci (ehtiyatsızlıqdan adam öldürmə) maddəsi ilə cinayət işi başlanıb.

Faktlar Səhiyyə Nazirliyinin Doğuşayardım Komissiyası tərəfindən də araşdırılır. Nazirliyin mətbuat xidmətinin əməkdaşı Səfayə Əhmədovanın ANS PRESS-ə verdiyi məlumata görə, hadisə ilə əlaqədar komissiya üzvləri artıq iş başındadırlar.

"Bilirsiniz ki bütün ana, uşaq ölümləri adıçəkilən komissiya tərəfindən araşdırılır. Son hadisələr hazırda nəzarətimizdədir. Ekspertizanın rəyindən sonra dəqiq demək olar ki, hadisə həkim səhlənkarlığı ucbatından baş verib ya yox. Bu cür araşdırmalar bir aya kimi davam edir. Günahkar şəxs aşkarlanarsa sözsüz ki, cəzasını da alacaq."

Hazırda iş üzrə istintaq tədbirləri davam etdirilir.




Tags:  Bakıda doğuşda ölən analar körpələrə cinayət işi açıldı


RƏYLƏR


Top news