Milli komandamızın sabiq futbolçusu Ali Gökdemir Almaniyada restoran açıb.
Fanat.az xəbər verir ki, o, doğulduğu və yaşadığı Şvebiş-Hall şəhərində açdığı bu restoranın maliyyə tərəflərinə baxır. Restoranı işlədən isə onun əmisidi.
Qeyd edək ki, Ali Gökdemir əvvəlcə 21 yaşadək millimizə, daha sonra Berti Foqtsun dönəmində - 2012-2015-ci illər ərzində əsas yığmamıza çağırılıb. O, yığmamızda oynadığı vaxt Almaniya Bundesliqası klubu "Hannover 96"nın əsas komandasına kimi yüksəlib. Hətta Bundesliqa matçında ehtiyatda qalmaqla bu baxımdan millimizin ilk üzvü kimi tarixə düşüb.
Daha sonra Türkiyənin "Elazığspor" və Zaqatalanın "Simurq" klubunda oynamış müdafiəçi sonuncu komandanın dağılmasından sonra Azərbaycanı tərk edərək Almaniyaya qayıdıb. O hazırda futbolda ilk addımlarını atdığı yarımhəvəskar "Şportfroynde" klubunda çıxış edir.(qaynar.info)
Fanat.az