"Paramparça"nın 52-ci seriyasında serialdan ayrılacaq Nurgül Yeşilçayın yerinə gələcək aktrisa bəlli olub.
Axşam.az-ın Türkiyə mətbuatına istinadən məlumatına görə, mübahisə və ya ssenari əsasında ayrıldığı haqda müxtəlif fikirlər səslənsə də, Nurgülün gəlinlik libasında seriala vida edəcəyi dəqiqdir.
53-cü seriyadan etibarən isə aktrisa Şükran Ovalı baş rol dərəcəsində fərqli qadın obrazı ilə seriala daxil olacaq. O, illər keçdikdən sonra Erkan Petekkayanın qəhrəmanının aşiq olacağı qadını canlandıracaq.
Qeyd edək ki, daha əvvəl ''Bir Bulut Olsam, "Behzat Ç." və "Şeref Meselesi'' kimi seriallarda oynayan aktrisanı "Paramparça" üçün E.Petekkaya özü seçib.
