İnsanların çoxu qarnının hər zaman şiş görünüşündən şikayət edir və bundan narahat olur, özünü diskomfort hiss edir. Lakin qidalanmanızda bəzi meyvə və tərəvəzlərə yer versəniz, mədədəki köpü azalda bilərsiniz. Aile.lent.az köpü aradan qaldıran bəzi qidalar haqqında məlumat verir.
85 faizi su tərkibli olan ananas içərisindəki bromelain deyilən ferment vasitəsilə protein istehsal edir, həzmi asanlaşdırır və bəzi mədə narahatlıqlarına qarşı təbii dərman vasitəsi kimi təsir göstərir.
Qida dəyəri aşağı olsa da, xiyar təbii sidik qovucu kimi sidik səviyyəsini artırır və bədəndən toksinlərin atılmasına kömək olur. Bundan başqa, xiyar kükürd və silikon baxımından zəngindir, urik turşusunun böyrəklərdən atılmasına təsir edir. Aşağı səviyyəli natrium və kalori baxımından da pəhrizlərin ayrılmaz hissəsidir.
Cəfəri qaz şikayətlərinə qarşı yaxşı tərəvəzdir. Köp yaradan qidaları bişirən zaman içərisinə cəfəri qatın.
Zəncəfil mədə bulanması və şişkinliyinə qarşı yaxşı təsirə malikdir. Qədim yunanlar həmz sisteminə kömək etdiyi üçün yeməkdən sonra zəncəfil yeyərmişlər. Tez təsir etməsini istəyirsinizsə zəncəfili təzə formada yeyə bilərsiniz.
Razyana həzm sistemindəki əzələləri yumşaldır və qazın sıxılıb qalmasının qarşısını alır. Yemək bişirən zaman üzərinə razyana tökə və çaya əlavə edə bilərsiniz.
Bibəriyə qaz şikayətlərinə yaxşı təsir edir və həzmi asanlaşdırır. Bir stəkan isti suya limon sıxın və bibəriyə əlavə edin. Bundan başqa, kartof və ət bişirən zaman qata bilərsiniz.
Araşdırmalar sübut edib ki, nanə bağırsaqları rahatladır. Bir fincan isti nanə çayı bağırsaqlara yaxşı təsir edir.
Milli.Az
