Madrid, 6 yanvar, AZƏRTAC
İspaniyada 2015-ci ilin ilk 10 ayında meyvə-tərəvəz məhsullarının ixracatı ötən ilin müvafiq dövrü ilə müqayisədə 7 faiz çoxalıb. Meyvə-Tərəvəz İstehsalçıları və İxracatçıları Assosiasiyasının məlumatına görə, həmin müddətdə 10 milyon ton məhsul ixrac edən ölkənin əldə etdiyi gəlir 9,477 milyard avro olub.
İspaniya Avropanın meyvə-tərəvəz təminatçısı kimi mövqelərini getdikcə möhkəmləndirir. Ötən 10 ayda ixracın ən çox artdığı ölkələr Almaniya, Böyük Britaniya və Fransa olub.
Aygün Əliyeva
AZƏRTAC-ın xüsusi müxbiri
Madrid