Ruhani: “Ər-Riyad sünnilər və şiələr arasında nifaq salmaq istəyir”

Ruhani: “Ər-Riyad sünnilər və şiələr arasında nifaq salmaq istəyir”
23:29 6 Yanvar 2016
50 Dünya
Ölkə mətbuatı
A- A+

Qonşu ölkələr və müsəlman dövlətləri ilə konstruktiv münasibətlərin qurulması İran xarici siyasətinin əsas məqsədidir.

 

APA-nın İRNA agentliyinə istinadən verdiyi məlumata görə, bunu İran prezidenti Həsən Ruhani hökumətin iclasındakı çıxışında bəyan edib.

 

O qeyd edib ki, şiə din xadimi Nimra ən-Nimranın Səudiyyə Ərəbistanında edam olunması səhv addımdır. İran və Səudiyyə xalqları arasında tarixən dost münasibətlərin olduğunu xatırlayan H.Ruhani deyib ki, rəsmi Ər-Riyad şiə və sünnilər arasında nifaq salmaq, dünya ictimai rəyində İrana qarşı mənfi obraz formalaşdırmağa çalışır.

 

Eyni zamanda Ruhani Səudiyyə Ərəbistanının Tehranda və Məşhəddəki diplomatik nümayəndələrinə edilən hücumu pisləyib, etirazçıların hərəkətlərini səhv və qeyri-qanuni adlandırıb. 


Xəbərin orijinal ünvanı: http://news.lent.az/news/227739

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR