Milli.Az kartoflu-pendirli zapekankanın hazırlanma qaydasını təqdim edir
Tərkibi (4-6 pay):
1 kq kartof
70 q yağ
80 q bərk pendir
0,5 ç.q. kəklikotu qurusu
duz
qara istiot
Sobanı 220 dərəcə qızdırın. 18 sm diametrli formanı yağlayın.
Pendiri sürtgəcdən keçirib kəklikotu ilə qarışdırın.
Kartofu təmizləyib nazik fal-fal doğrayın.
Əridilmiş kərə yağı əlavə edib səliqə ilə qarışdırın.
Formanın dibinə bərabər qaydada kartofun 1/3-ni döşəyin.
Pendirin 1/3-ni səpin. Duz-istiot vurun.
Layları təkrarlayın. Ən üst lay yenə pendir olmalıdır.
1 saat bişirin. Hazır zapekankanı formada 5 dəqiqə saxlayın. Sonra boşqaba tərs çevirin.
Nuş olsun!
Milli.Az 
