Aktual mövzular: Dollar alış-satışı , Hava, Məzənnə, Neftin qiyməti

“Qızıl Məryəm”in qətli ilə bağlı yeni təfərrüatlar: Qızı evdən çıxanda qapını qəsdən açıq qoyubmuş

“Qızıl Məryəm”in qətli ilə bağlı yeni təfərrüatlar: Qızı evdən çıxanda qapını qəsdən açıq qoyubmuş

Bakıda 30 min manatlıq qızıl-zinət əşyaları oğurlandı (20 Mart 2017 17:23)
Bakıda evdən 8 min manatlıq qızıl-zinət əşyaları oğurlanıb (14 Mart 2017 14:37)
Bakıda evdən qızıl saat oğurlayan şəxs saxlanılıb (18 Fevral 2017 11:57)

Tarix: 7 Yanvar 2016 14:24

“Jewüellery” mağazalar şəbəkəsinin sahibəsi, iş adamı Məryəm Namidzadənin qətli ilə bağlı yeni təfərrüatlar məlum olub.
 
APA TV-nin əldə etdiyi məlumatlara görə, qətli törədən şəxsin iş adamının qızı Günel Hüseynova ilə dörd il qeyri-rəsmi münasibətləri olub. Qatil Günel Hüseynovaya onunla evlənəcəyini söz veribmiş.
 
Son zamanlar külli miqdarda borcu olan bu şəxs sevgilisindən borcları ödəməkdə yardım istəyib. O, Günel Hüseynovaya “Qızıl Məryəm” kimi tanınan anası Məryəm Namədzadədən pul almağı məsləhət görsə də, ilkin olaraq rədd cavabı alıb. Günel Hüseynova bildirib ki, anasında kifayət qədər pul olsa da, ona bu qədər yüksək məbləğdə pul verə bilməz. Sevgilisinin israrından sonra Günel Hüseynova ona anasını qorxudaraq pul almağı məsləhət görüb. Məryəm Namədzadə ilə qızı Günel Hüseynova arasında ədavətin olduğu da bildirilir.
 
Cinayəti planlaşdırdıqdan sonra gün təyin edilib. Yanvarın 5-də sevgilisi, adı açıqlanmayan daha bir nəfərlə Məryəm Namədzadənin yaşadığı evin qarşısına gəlib. Qızını məktəbə aparmaq adı ilə evdən çıxan Günel Hüseynova qapını qəsdən açıq qoyub və blokdan çıxarkən sevgilisinə işarə edib. Daha sonra bu iki şəxs evə daxil olaraq Məryəm Namədzadəyə zor tətbiq edərək ondan pul istəyiblər. Qadın evdə pul və qızıl olmadığını, bütün pulların mağazada olduğunu dedikdən sonra cinayətkarlar bıçaqla çoxsaylı zərbələr endirərək onu qətlə yetiriblər. Təsdiqlənməyən məlumatlara görə, evdən 30 min manatla yanaşı bazar qiyməti yüksək olan çoxlu sayda qızıl-zinət əşyaları da aparılıb.
 
Faktla bağlı Cinayət Məcəlləsinin 120.2.11-ci (quldurluq, hədə qorxu ilə tələb etmə ilə əlaqədar qəsdən adam öldürmə) və 181.3.3-cü (quldurluq, zərərçəkmiş şəxsin sağlamlığına ağır zərər vurulmaqla törədildikdə) maddələri ilə cinayət işi başlanıb. Cinayətdə şübhəli bilinən 3 nəfər, o cümlədən iş adamının qızı Günel Hüseynova saxlanılıb.

Teqlər:  Qızıl Məryəmin qətli bağlı yeni təfərrüatlar Qızı evdən çıxanda qapını qəsdən açıq qoyubmuş



RƏYLƏR


Top xəbərlər