Aktual mövzular: Dollar alış-satışı , Hava haqqında, Məzənnə, Neftin qiyməti

Kreditə görə özünə od vuran müavinin intiharının təfərrüatları

Kreditə görə özünə od vuran müavinin intiharının təfərrüatları

Date: 7 January 2016 14:46

Neftçala şəhər 4 saylı orta məktəbin təsərrüfat işləri üzrə direktor müavini, 63 yaşlı Novruzov Alik Mustafa oğlunun özünün yandırması ilə bağlı təfərrüatlar bəlli olub.

Bu barədə ANS PRESS-ə məlumatı müavinin qızı Svetlana Novruzova verib. Onun sözlərinə görə, atası hadisəni banklara kredit borcu olduğu səbəbindən törədib:
Bu pulu isə o özü üçün deyil, iş yoldaşı üçün götürüb.

"Məktəbdə xadimə işləyən bir nəfər, oğlu ilə birgə ötən ilin avqust ayında atamını aldararaq, adına pul götürüblər. 5000 və 2500 manat olmaqla bank atamın adına borc pul verib. Atamın özünün də ayrı bir banka 1000 manat krediti var idi. İş yoldaşı, oğlu ilə krediti bir-iki ay ödədikdən sonra rayondakı evlərininin qapısını bağlayaraq, köçüblər. O gündən atamın aldığı maaşı və yenicə düzəlmiş təqaüdü bank tərəfindən borc kimi götürülür. Atam da bu vəziyyətdən bezmişdi".

Svetlananın sözlərinə əsasən, bu barədə dəfələrlə polisə müraciət olunsa da, onlar bu məsələyə baxmadıqlarını deyiblər.


Özünü yandıran kişinin qızı deyir ki, ailəyə bu məsələdə heç kim köməklik göstərə bilməyib. Ailə az əmək haqqına görə külli miqdarda borc verən bankı ittiham edir. "Cəmi 140 manat əmək haqqı alan atama bank necə 7500 manat verə bilib. Bu qanuna ziddir axı. Məhkəməyə də müraciət etmişdik, məhkəmə hökmü bankın xeyrinə çıxardı. Ondan sonra atam lap dəhşətə gəldi. Bu gün də özünü yandırıb".

Qızının sözlərinə görə, özünü məktəb qazqanxanasında yandıran kişi əsasən başından yanıq xəsarətləri alıb. Onu yanğınsöndürənlər çətinliklə söndürə biliblər.

Yaralı dərhal Nefçala Rayon Mərkəzi Xəstəxanasına aparılıb. Lakin vəziyyəti ağırdır. "Anamla əlaqə saxladım, deyir vəziyyəti pisdir".

Neftçala şəhər 4 saylı orta məktəbinin direktoru Şəhla xanım da Alik Novruzovun mədəni, tərbiyəli müəllim olduğunu deyib. "15 ildən çoxdur bizim məktəbdə çalışır. Belə bir hadisə törədəcəyi ağlımıza da gəlməzdi".

Bu gün günorta radələrində Neftçala şəhər 4 saylı orta məktəbin təsərrüfat işləri üzrə direktor müavini, 63 yaşlı Novruzov Alik Mustafa oğlu özünü məktəbin qazanxanasında yandırıb.

Hadisə səbəb təsərrüfat müdirinin ayrı-ayrı banklara 7 min 500 manata yaxın borcunun olmasıdır. O, maddi imkansızlıqdan bu kreditləri qaytara bilmirmiş.
Faktla bağlı Neftçala Rayon Prokurorluğunda cinayət işi qaldırılıb.

Tags:  Kreditə özünə od vuran müavinin intiharının təfərrüatları

RƏYLƏR


Top news