Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Buğalar 8 nəfəri xəstəxanalıq etdi

Buğalar 8 nəfəri xəstəxanalıq etdi

Date: 7 January 2016 15:46

Peruda kütlənin arasına çıxan qəzəbli buğalar insanların həyatına son qoyub.

ANS PRESS-in məlumatına görə, hər il keçirilən ənənəvi "Huancavelica" korrida festivalında hirsli buğaları tamaşaya çıxan sakinlər bu dəfə də təhlükəli anlar yaşayıb.

Adrenalin həvəsilə bayrama qatılan tamaşaçılardan bir çoxunun bəxti gətirməyib. Qəzəbli buğa rastına çıxan insanları buynuzuna alaraq göyə tullayıb, tapdalayıb. Buğanın zərbələrinə tuş gələn 8 nəfər isə ağır xəsarətlər alaraq xəstəxanalıq olub.

Hər il korrida festivalı onlarla insanın xəsarət alması ilə nəticələnsə də, hökumət bu barədə heç bir tədbir görmür. Buğaları əhliləşdirmək istəyənlərin sayı isə azalmır.

Korrida festivalı Peruda keçirilən ənənəvi buğa yarışlarından sayılır. Ölkədə hər il 500-dən çox belə korrida təşkil olunur.


Peruda buğa yarışları


Peruda sayca ən çox insanın zədələnməsi ilə nəticələnən korrida isə 2009-cu ildə ölkənin şimalında Nueva-Kajamarkada keçirilib. Düzdür burda xəsarətlərə buğalar səbəb olmamışdı. Həmin vaxt arenanı əhatə edən taxta tribunanın uçması nəticəsində 110 nəfər yaralanmışdı. Yarışlara baxmaq üçün ora ümumilikdə 400 nəfər gəlibmiş. Yaralılar isə Nueva-Kajamarkadakı tibb müəssisəsində cəmi 18 yer olduğundan, qonşu yaşayış məntəqələrindəki xəstəxanalara yerləşdirilmişdi.

Peru ilə yanaşı, korrida yarışları əsasən İspaniya, Portuqaliya, Amerika, Meksika, Venesuela, Kolumbiya, Ekvador kimi ölkələrdə yayılıb.

Məsələn, hər il İspaniyada 2 minədək öküz döyüşləri və festivallar keçirilir. Bu yarışlarda isə tez-tez kütləvi xəsarət və ölüm halları baş verir. 2012-ci ildə keçirilən San-Fermin festivalı zamanı 37 nəfər xəsarət almışdı.


İspaniyada keçirilən San-Fermin festivalı


Yay festivallarında isə öküzlər 7 nəfəri buynuzlayaraq öldürmüşdü. Ölüm hadisələri daha çox bu heyvanların küçə qaçışlarında baş verir. Buğaların qurbanlarından biri isə Madriddən şimalda Vallodolid şəhəri yaxınlığında 36 yaşlı şəhər meri olub.




Amma bütün ölüm faktlarına baxmayaraq, rəsmi Madrid də bu “vəhşi əyləncə”ni qadağan etmək fikrində deyil. Hətta 2013-cü ildə çıxarılmış məhkəmə qərarı ilə öküz döyüşləri milli mədəniyyət irsi kimi təsdiq edilib. Qərarda deyilir ki, dövlət bu ənənəni “qorumağa və təbliğ etməyə borcludur”.

Göründüyü kimi, buğa yarışlarının tarixi ənənədən irəli gəlməsi faktı bir yana, təhlükəli sonluqlarına baxmayaraq, həmin ölkələrin bu tədbirləri məhdudlaşdırmamasının bir səbəbi də iqtisadi maraqlarıdır. Çünki korridalara yerli vətəndaşlarla yanaşı, xarici həvəskarlar da böyük maraq göstərdiyindən, bu, ölkələrə həm də çoxlu sayda turist cəlb edir. İqtisadçıların hesablamasına görə, təkcə 2013-cü ildə bu tip festivallar və yarışlar İspaniyaya 282, 4 milyon avro gəlir gətirib ki, bunun da 59 milyon avrosu vergi şəklində büdcəyə daxil olub.

Tags:  Buğalar nəfəri xəstəxanalıq etdi


RƏYLƏR


Top news