Aktual mövzular: Dollar alış-satışı , Hava haqqında, Məzənnə, Neftin qiyməti

"BakuBus" avtobusunda qəzaya düşənlərə pul verildi

"BakuBus" avtobusunda qəzaya düşənlərə pul verildi

Date: 7 January 2016 16:17

"BakuBus" MMC-nin mətbuat xidmətindən Milli.Az-a bildiriblər ki, şirkət tərəfindən sərnişin təhlükəsizliyinə xidmət edən və qanunvericiliklə tənzimlənən bütün şərtlərə əməl edilir.

Belə ki, "İcbari sığortalar haqqında" Azərbaycan Respublikasının Qanununun müddəalarına əsasən, noyabrın 16-da Salyan şossesində, 20-ci sahə dairəsi yaxınlığında "BakuBus" MMC-yə məxsus 6 saylı marşrut üzrə hərəkət edən avtobusun qəzaya uğraması nəticəsində xəsarət alan 7 nəfərlə bağlı sığorta şirkəti tərəfindən tam təhlil aparılıb və həmin qəza nəticəsində xəsarət alan Məhərrəmova Dilarə Tağı qızına 953 AZN, Dadaşzadə Fərhad Nadir oğluna 1500 AZN, Mirzəyeva Nəzakət Eldar qızına 1500 AZN, Əliyev Sərvan Məlumat oğluna 750 AZN, Ələkbərova Firuzə Bala Hüseyn qızına 750 AZN, Əliyeva Fəxrəndə Nadir qızına 750 AZN zərər ödənişi edilib.

Bir nəfər zərər çəkən yüngül xəsarət aldığından könüllü şəkildə zərər ödənişindən imtina edib.

Məlumat "BakuBus" MMC-yə "AzSığorta" şirkəti tərəfindən daxil olub.


Tags:  BakuBus BakuBus avtobusu qeza sıgorta


RƏYLƏR


Top news