Aktual mövzular: Dollar alış-satışı , Hava haqqında, Məzənnə, Neftin qiyməti

Tanınmış futbolçunun xanımı oğurlandı

Tanınmış futbolçunun xanımı oğurlandı

Date: 7 January 2016 16:27

Rusiyanın Perm şəhərini təmsil edən "Amkar" klubunun futbolçusu Feqor Oqudenin həyat yoldaşı oğurlanıb.

Milli.Az bildirir ki, report-un Rusiya mətbuatına istinadən verdiyi məlumata görə, hadisə Nigeriyanın Varri şəhərində baş verib.

29 yaşlı yarımmüdafiəçi hadisədən kiçik qardaşı vasitəsilə xəbər tutduğunu deyib: "Evdə yox idim. Yoldaşım Maimunat uşaqlarla gəzməyə çıxırdı. Kiçik qardaşım mənə dedi ki, evin ətrafında silahlı şəxslər vardı. Onlar həyat yoldaşımı oğurlayıblar. Daha sonra avtomobil ərazidən uzaqlaşıb".
F.Oqude hadisə haqda xəbər tutan kimi polisə müraciət edib. Cinayətkarlar haqda məlumatsız olduğunu söyləyən futbolçu bildirib ki, yoldaşının harada olduğundan xəbərsizdir. 

"Amkar" klubundan verilən məlumatda isə hadisə ilə bağlı araşdırmanın Nigeriya polisi tərəfindən aparıldığı və futbolçuya kömək etməyə hazır olduqları bildirilib.
Qeyd edək ki, Feqor Oqude 2014-cü ilin yanvarından "Amkar"da çıxış edir. O, cari mövsümdə Perm təmsilçisinin heyətində 14 oyuna çıxıb.

Milli.Az


Tags:  Tanınmış futbolçunun xanımı oğurlandı


RƏYLƏR


Top news