Mingəçevir şəhərində bir nəfərin xəsarət alması ilə nəticələnən yol-nəqliyyat hadisəsi baş verib.
Milli.Az El TV-yə (Region TV) xəbər verir ki, Samux küçəsində qeydə alınan hadisə zamanı Mingəçevir sakini Ələmdar Ağamirzə oğlu Əliyevin idarə etdiyi "VAZ-2106" markalı avtomobillə Əkbər Abbasqulu oğlu Abbasovun idarə etdiyi "VAZ-2107" minik maşını toqquşub.
Zərbənin təsirindən "VAZ-2106" markalı avtomobil yararsız vəziyyətə düşüb. Minik maşınının sürücüsü isə bədən xəsarətləri ilə Mingəçevir Mərkəzi şəhər Xəstəxanasına yerləşdirilib. İlkin olaraq hadisəyə səbəb kimi "VAZ-2107"nin sürücüsünün idarəetməni itirməsi göstərilir.
Faktla bağlı araşdırma aparılır.
Milli.Az
