Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Bakıda Milad bayramı qeyd olunub

Bakıda Milad bayramı qeyd olunub

Date: 7 January 2016 18:28


Bakı, 7 yanvar, AZƏRTAC
Bakıda yaşayan pravoslavlar Milad bayramını qeyd ediblər.
AZƏRTAC xəbər verir ki, kilsələrdə bayram ayinləri yerinə yetirilib. İsa peyğəmbərin mübarək mövludu ilə əlamətdar olan və hər il Azərbaycanda da xüsusi coşqu ilə qeyd edilən Milad bayramının əsas qayəsi sevgi, sülh, bağışlamaqdır. Milad bayramı münasibətilə təşkil edilən dini mərasimlərdə iştirak yeni dövrün başlanğıcını simvolizə etdiyinə görə xristianlar üçün xüsusi əhəmiyyət daşıyır.
Prezident İlham Əliyevin Azərbaycanın pravoslav xristian icmasına təbrikində bildirilir ki, bu gün dünyada nümunəvi tolerantlıq örnəyi, sivilizasiyalararası və mədəniyyətlərarası dialoq məkanı kimi tanınan ölkəmizdə tarixən dinlər əmin-amanlıq, qarşılıqlı hörmət və etimad şəraitində fəaliyyət göstərib, fərqli mədəniyyətlərin təmsilçiləri olan ayrı-ayrı xalqlar və etnik icmalar ümumi Vətən sevgisi, azərbaycançılıq məfkurəsi ətrafında sarsılmaz birlik və həmrəylik nümayiş etdiriblər. Bu gün cəmiyyətimizin ayrılmaz üzvləri olan xristian etiqadlı həmvətənlərimiz millətlərarası və dinlərarası münasibətlərə öz layiqli töhfələrini verərək ictimai-siyasi həyatın bütün sahələrində yaxından iştirak edirlər.


Tags:  Bakıda Milad bayramı qeyd olunub


RƏYLƏR


Top news