Aktual mövzular: Dollar alış-satışı , Hava, Məzənnə, Neftin qiyməti

Zaqatala sakini yeni maşın düzəltdi (FOTO)

Zaqatala sakini yeni maşın düzəltdi (FOTO)

Balakəndə maşın 5 yaşlı uşağı vuraraq öldürdü (24 Mart 2017 22:54)
İki maşın toqquşdu: yaralanan var - FOTO (11 Mart 2017 18:37)
“VAZ 2107" yanıb kül oldu (09 Mart 2017 21:39)

Tarix: 7 Yanvar 2016 19:18

Bakı. Trend:

Zaqatala rayonunda 27 yaşlı gənc yeni avtomobil hazırlayıb. Bir ton 250 kq çəkisi olan avtomobilin ərsəyə gəlməsi üçün 5 ilə yaxın vaxt sərf olunub.

Trend Region TV-yə istinadən məlumat verir ki, Zaqatala rayonunun Danaçı kənd sakini Abdulla Məmmədov heç bir kənar müdaxilə və yardım olmadan, yalnız ağlı və əl əməyindən istifadə etməklə yeni bir avtomobil növü hazırlayıb.

O, "Abdulla" adlandırdığı bu maşının hazırlanmasında dörd növ avtomobilin hissələrindən istifadə edib. Belə ki, avtomobilin ön daşıyıcı hissəsi və ön təkərləri "Zaporojets", arxa körpü hissəsi "Moskviç", arxa təkərləri "Mercedes", mühərrik və sürət qutusu isə "VAZ 2101" markalı avtomobillərə məxsusdur. Avtomobilin maketi və digər hissələrini isə gənc özü hazırlayıb.

Uşaqlıqdan texnikaya həvəs göstərən A.Məmmədov avtomobil hazırlamağı illər əvvəl arzulayıb. Bu istəyini reallaşdırmağa isə beş il öncə başlayıb. Avtomobil yalnız bir neçə gün əvvəl tam hazır vəziyyətə gətirilib. O bu texnikadan şəxsi təsərrüfatında istifadə etmək fikrindədir.

İki ton yükdaşıma qabiliyyətinə malik avtomobil 100 kilometr məsafəyə 6-7 litr benzin sərf edir. Avtomobilin hazırlanması üçün təqribən 4500 manata yaxın vəsait xərclənib.

Bizi Twitter-dən izləyin: @trend_az


Teqlər:  Zaqatala sakini yeni maşın düzəltdi FOTO



RƏYLƏR


Top xəbərlər