Aktual mövzular: Dollar alış-satışı , Hava haqqında, Məzənnə, Neftin qiyməti

Dövlətə xəyanətdə təqsirləndirilən şəxs barəsində həbs qətimkan tədbiri seçilib

Date: 7 January 2016 19:48


Bakı, 7 yanvar, AZƏRTAC
Azərbaycan Respublikası Dövlət Təhlükəsizliyi Xidmətinin həyata keçirdiyi istintaq-əməliyyat tədbirlərinin nəticələrinə əsasən, Azərbaycan Respublikasının vətəndaşı, Bakı şəhəri Sabunçu rayonunun Nardaran qəsəbə sakini Kərimov Natiq Əlövsət oğlunun xarici xüsusi xidmət orqanı əməkdaşları tərəfindən məxfi əməkdaşlığa cəlb edilərək uzun müddət həmin orqan tərəfindən verilən tapşırıqları yerinə yetirməsi, Azərbaycan Respublikasının dövlət təhlükəsizliyi zərərinə casusluq edərək dövlətə xəyanət etməsinə dair əsaslı şübhələr müəyyən olunub.
Bununla əlaqədar Natiq Kərimov Dövlət Təhlükəsizliyi Xidmətinin İstintaq Baş İdarəsi tərəfindən aparılan cinayət işi üzrə şübhəli şəxs qismində tutularaq 2016-cı il yanvarın 7-də Azərbaycan Respublikası Cinayət Məcəlləsinin 274-cü (dövlətə xəyanət) maddəsilə təqsirləndirilən şəxs qismində cəlb edilib, məhkəmənin qərarı ilə barəsində həbs qətimkan tədbiri seçilib.
Dövlət Təhlükəsizliyi Xidmətinin İctimai Əlaqələr İdarəsindən AZƏRTAC-a bildiriblər ki, hazırda istintaq-əməliyyat tədbirləri davam etdirilir.
 

Tags:  Dövlətə xəyanətdə təqsirləndirilən şəxs barəsində həbs qətimkan tədbiri seçilib


RƏYLƏR


Top news