Futboldan 8 il müddətinə uzaqlaşdırılan Mişel Platini FIFA prezidentliyinə namizədlikdən rəsmən imtina edib. Fanat.az xəbər verir ki, bu barədə o, özü açıqlama verib.
Rüşvət qalmaqalına görə cəzalandırılan UEFA-nın sabiq prezidenti bundan sonra əsas diqqətini cəzadan xilas olmağına yönəldəcəyini bildirib: "Artıq FIFA prezidentliyinə namizəd deyiləm. Bundan sonra əsas diqqətimi müdafiəmə yönəldəcəm. Blatter FİFA prezidentliyindən istefa verdikdən sonra 150 federasiyadan dəstək aldım. Lakin artıq motivasiyam qalmadı. İşlər heç də yaxşı görünmür. Hər zaman mübarizə apardım, ancaq mənə rəqabət şansı verilmədi".
Fanat.az
