Milli.Az toyuq və ananasla salatın hazırlanma qaydasını təqdim edir
Tərkibi (2-4 pay):
1 "aysberq" kələmi
250 q toyuq filesi
300 q ananas konservi
100 q bərk pendir
1 x.q. bitki yağı
2 x.q. soya sousu
üzüm gilələri
Kələmin yarpaqlarını axar suyun altında tərtəmiz yuyun. Silkələyib suyunu axıdın. Sonra əlinizlə parçalara bölün.
Toyuq ətini yuyun, salfetlə qurulayıb doğrayın.
Tavada bitki yağını qızdırın. Toyuq ətini əlavə edib iti odda 3 dəqiqə bişirin. Soya sousu əlavə edib ocağı azaldın, daha 3 dəqiqə bişirin.
Ananasın suyunu süzüb doğrayın.
Pendiri sürtgəcdən keçirin.
Kələm, toyuq, ananas və pendiri qarışdırın. Qaba yığıb üzərinə üzüm gilələri düzün. Salat üçün sevdiyiniz souslardan da istifadə edə bilərsiniz.
Nuş olsun!
Milli.Az 
