Bakıda 2 nəfərin ölümü ilə nəticələnən yanğın hadisəsi baş verib. ANS PRESS-in FHN mətbuat mərkəzinə istinadən verdiyi məlumata görə, hadisə paytaxtın Suraxanı rayonunda baş verib.
Rayon ərazisindəki çoxmənzilli yaşayış binasında vətəndaşa məxsus ümumi sahəsi 60 kv.m olan 3 otaqlı mənzilin 1 otağında divan 2 kv.m sahədə və yerə döşənmiş xalça yanıb. Yanğının kəşfiyyatı zamanı ev sahibi 1951-ci il təvəlüdlü Abbasov Mikayıl və onun həyat yoldaşı 1951-ci il təvəlüdlü Abbasova Zoyanın yanmış meyitləri aşkar olunub.
Mənzilin qalan hissəsi yanğından mühafizə olunub. Hadisə ilə əlaqədar müvafiq qurumlar tərəfindən təhqiqat aparılır.
Yanğın səhərə yaxın saat 03:12-də yanğınsöndürənlər tərəfindən söndürülüb.
