Bu gün səhər saatlarında Bakı şəhərinin yollarında nəqliyyat vasitələrinin hərəkətində nisbi sıxlıq müşahidə edilir.
Bunu report.az-a Nəqliyyatı İntellektual İdarəetmə Mərkəzindən (NİİM) bildiriblər. Belə ki, hazırda Bakı-Sumqayıt şosesində (paytaxta doğru), Binəqədi şosesində (mərkəzə doğru), Neftçilər prospektində, Niyazi küçəsində, o cümlədən Mikayıl Hüseynov prospektində, Koroğlu Rəhimov küçəsində (Prezident İqamətgahı istiqamətində) və Mikayıl Müşviq küçəsində avtomobillərin hərəkətində nisbi sıxlıq yaranıb.