Aktual mövzular: Dollar alış-satışı , Hava haqqında, Məzənnə, Neftin qiyməti

Fuad Qəhrəmanlı ilə bağlı Baş Prokurorluğa vəsatət verildi

Fuad Qəhrəmanlı ilə bağlı Baş Prokurorluğa vəsatət verildi

Date: 8 January 2016 11:43

Bakı. Samir Əli - Trend:

Nardaran hadisələri zamanı dövlət əleyhinə çağırışlarda təqsirləndirilərək həbs edilən Azərbaycan Xalq Cəbhəsi Partiyasının sədr müavini Fuad Qəhrəmanlı barəsində başlanmış cinayət işinin istintaqının yekunlaşması üçün Baş Prokurorluq yanında Ağır Cinayətlərə Dair İşlər üzrə İstintaq İdarəsinə vəsatət verilib. Bu barədə Trend-ə Fuad Qəhrəmanlının vəkili Fəxrəddin Mehtiyev məlumat verib.

Vəkil bildirib ki, vəsatət Ağır Cinayətlərə Dair İşlər üzrə İstintaq İdarəsinə artıq təqdim edilib.

Qeyd edək ki, F.Qəhrəmanlı barəsində Cinayət Məsəlləsinin 281.1-ci (Hakimiyyətin zorla ələ keçirilməsinə, zorla saxlanılmasına və ya Azərbaycan Respublikasının konstitusiya quruluşunun zorla dəyişdirilməsinə və ya ərazi bütövlüyünün parçalanmasına yönələn açıq çağırışlar etmə, habelə bu cür məzmunlu materialları yayma) və 283.2.1-ci (milli, irqi, sosial və ya dini nifrət və düşmənçiliyin salınması - zor tətbiq etməklə və ya zor tətbiq etmə hədəsi ilə törədildikdə) maddələri ilə ittiham irəli sürülüb və onun sosial şəbəkələrdə bu cür çağırışlar etdiyi iddia edilir.

F.Qəhrəmanlı isə bu ittihamlarla razılaşmayaraq sosial şəbəkələrdə tənqidi fikirlər səsləndirdiyini deyib.

Bizi Twitter-dən izləyin: @trend_az


Tags:  Fuad Qəhrəmanlı bağlı Baş Prokurorluğa vəsatət verildi

RƏYLƏR


Top news