Azərbaycanda qida məhsulları ilə bağlı "GMO yoxdur" nişanı hazırlanır

Azərbaycanda qida məhsulları ilə bağlı "GMO yoxdur" nişanı hazırlanır
12:07 8 Yanvar 2016
Ölkə mətbuatı
A- A+

Bakı. 8 yanvar. REPORT.AZ/ Standartlaşdırma, Metrologiya və Patent üzrə Dövlət Komitəsi “Təbii bal. Texniki şərtlər” (AZS 849-2015) və “Qida məhsulları. “GMO yoxdur” nişanı ilə markalanma qaydaları. Əsas müddəalar” (AZS 855–2015) adlı standart layihələr hazırlayıb. "Report" xəbər verir ki, Dövlət Komitəsi bunu 2015-ci ildə görülən işlərə dair Hesabatında qeyd edib. 
Sənəddə deyilir ki, bununla yanaşı, “Ekoloji təmiz kənd təsərrüfatı və ərzaq məhsullarının istehsalı, emalı, markalanması və satışı. Rəhbəredici tələblər” (AZS 850-2015), “Brendi (Konyak). Ümumi texniki şərtlər” (AZS 851-2015), “Tünd alkoqollu içkilər. Ümumi texniki şərtlər” (AZS 852-2015), “Pasterizə və ultrapasterizə (UYT) edilmiş qaymaq. Ümumi texniki şərtlər” (AZS 286-2015) standart layihələri də hazırlanıb və hazırda ekspertiza mərhələsindədir.
Bundan başqa, müasir tələblərə uyğunlaşdırılması məqsədilə “Kəsmik. Ümumi texniki şərtlər” (AZS 089-2003), “Qatıq. Ümumi texniki şərtlər” (AZS 092-2003), “Xama. Ümumi texniki şərtlər” (AZS 121-2004) və “Halal məhsulların sertifikatlaşdırma qaydaları” (AZS 757-2014) dövlət standartlarına müvafiq dəyişikliklər edilib. 

Xəbərin orijinal ünvanı: http://report.az/biznes/azerbaycanda-qida-mehsullari-ile-bagli-gmo-yoxdur-nisani-hazirlanir

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR