Türkiyənin "Peqasus Airlines" hava şirkəti yanvarın 16-dək Rusiyaya uçuşları dayandırıb. "Report" Rusiya KİV-ə istinadən xəbər verir ki, bu haqda şirkət məlumat yayıb.
Şirkət uçuşların dayandırılmasının səbəblərini açıqlayıb: "Rusiya yanvarın 1-dən Türkiyə hava şirkətlərinin ekipajlarına viza rejimi tətbiq edib, eləcə də şirkətin işçilərinə viza almaq üçün etdiyi müraciətlər cavabsız qalıb. Ona görə də yanvarın 16-dək Rusiyaya uçuşları dayandırırıq".
Şirkətdən bildirib ki, Rusiyanın bu addımı beynəlxalq mülki aviasiya əməkdaşlığı qaydalarına ziddir. "Peqasus Airlines" sərnişinlərə biletlərin tam qiymətinin ödənilməsini, yaxud yanvarın 15-dən sonraya dəyişdirlməsini təklif edib.
