“Sınıq Körpü” gömrük postunda gömrükçülərlə sürücülər arasında insident yaşanıb

“Sınıq Körpü” gömrük postunda gömrükçülərlə sürücülər arasında insident yaşanıb
18:18 8 Yanvar 2016
35 Digər
Ölkə mətbuatı
A- A+


Bakı, 8 yanvar, AZƏRTAC
Tovuz Gömrük İdarəsinin “Sınıq Körpü” gömrük postunun İdxal gömrük nəzarəti xətti ilə Gürcüstandan gələn 35 BG 315, 35 BF 254, 05 BG 455, 35 BX 020, 35 BH 350, və 35 BD 666 dövlət nömrə nişanlı minik nəqliyyat vasitələrinin sürücüləri gömrükçülərin avtomobillərə gömrük baxışı keçirilməsinə mane olub.
Dövlət Gömrük Komitəsinin mətbuat xidmətindən AZƏRTAC-a bildirilib ki, ilkin baxış zamanı isə gömrükçülər minik nəqliyyat vasitələrinin hər birinin yük yeri və salonunda qanunla müəyyən edilmiş şəxsi istehlak miqdarından artıq, kommersiya məqsədləri üçün nəzərdə tutulan mallar – 200 kiloqrama qədər meyvə olduğunu müəyyən edib. İstehlak miqdarından artıq olan mallara görə sənədlər və gömrük rüsumu ödənilməsi tələb olunduqda isə nəqliyyat vasitələrinin sürücüləri buna etiraz edərək yükə aid sənədləri təqdim etməkdən və rüsumu ödəməkdən imtina ediblər. Gömrükçülərin qanuni tələblərinə məhəl qoymayan həmin nəqliyyat vasitələrinin sürücüləri daha sonra gömrük əməkdaşlarını idxal gömrük nəzarəti xəttini bağlamaqla hədələyiblər. Dəfələrlə tələb edilməsinə baxmayaraq avtomobilləri idxal gömrük nəzarəti xəttindən götürməyən sürücülər gömrük əməkdaşlarına qarşı fiziki təzyiq göstərərək nalayiq ifadələr işlədiblər.
Vəziyyəti nəzərə alan Tovuz Gömrük İdarəsinin rəhbərliyi hüquq mühafizə orqanlarına müraciət edib və əraziyə gələn polis əməkdaşları müvafiq tədbirlər həyata keçirdikdən sonra gömrük postunun fəaliyyəti 1 saatlıq fasilədən sonra bərpa olunub.
 

Xəbərin orijinal ünvanı: http://azertag.az/xeber/Siniq_Korpu_gomruk_postunda_gomrukchulerle_suruculer_arasinda_insident_yasanib-917018

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR