Aktual mövzular: Dollar alış-satışı , Hava, Məzənnə, Neftin qiyməti

"Sınıq Körpü"də gömrükçülərlə sürücülər arasında insident yaşanıb (VİDEO)

"Sınıq Körpü"də gömrükçülərlə sürücülər arasında insident yaşanıb (VİDEO)

Futbolçuların valideynləri arasında kütləvi dava - VİDEO (21 Mart 2017 09:34)
Azərbaycan çempionatında insident: rəqibini təpiklədi - VİDEO (05 Mart 2017 17:57)
"Mançester Yunayted"in futbolçusu ilə azarkeşlər arasında insident baş verib (01 Mart 2017 13:37)

Tarix: 8 Yanvar 2016 18:48

Bakı. Trend:

“Sınıq Körpü” gömrük postunda gömrükçülərlə sürücülər arasında insident yaşanıb.

Dövlət Gömrük Komitəsinin mətbuat xidmətindən Trend-ə verilən məlumata görə, yanvarın 7-də saat 14 radələrində Tovuz Gömrük İdarəsinin “Sınıq Körpü” gömrük postunun İdxal gömrük nəzarəti xətti ilə Gürcüstandan gələn 35 BG 315, 35 BF 254, 05 BG 455, 35 BX 020, 35 BH 350 və 35 BD 666 dövlət nömrə nişanlı minik nəqliyyat vasitələrinin sürücüləri gömrükçülərin avtomobillərə gömrük baxışı keçirilməsinə mane olub.

İlkin baxış zamanı gömrükçülər minik nəqliyyat vasitələrinin hər birinin yük yeri və salonunda qanunla müəyyən edilmiş şəxsi istehlak miqdarından artıq, kommersiya məqsədləri üçün nəzərdə tutulan mallar – 200 kiloqrama qədər meyvə olduğunu müəyyən edib. İstehlak miqdarından artıq olan mallara görə sənədlər və gömrük rüsumu ödənilməsi tələb olunduqda isə nəqliyyat vasitələrinin sürücüləri buna etiraz edərək yükə aid sənədləri təqdim etməkdən və rüsumu ödəməktən imtina ediblər.

Gömrükçülərin qanuni tələblərinə məhəl qoymayan həmin nəqliyyat vasitələrinin sürücüləri daha sonra gömrük əməkdaşlarını idxal gömrük nəzarəti xəttini bağlamaqla hədələyiblər. Dəfələrlə tələb edilməsinə baxmayaraq, avtomobilləri idxal gömrük nəzarəti xəttindən götürməyən sürücülər gömrük əməkdaşlarına qarşı fiziki təzyiq göstərərək nalayiq ifadələr işlədiblər.

Vəziyyəti nəzərə alan Tovuz Gömrük İdarəsinin rəhbərliyi hüquq-mühafizə orqanlarına müraciət edib və əraziyə gələn polis əməkdaşları müvafiq tədbirlər həyata keçirdikdən sonra gömrük postunun fəaliyyəti 1 saatlıq fasilədən sonra bərpa olunub.

Bizi Twitter-dən izləyin: @trend_az


Teqlər:  Sınıq Körpüdə gömrükçülərlə sürücülər arasında insident yaşanıb VİDEO



RƏYLƏR


Top xəbərlər