Aktual mövzular: Dollar alış-satışı , Hava haqqında, Məzənnə, Neftin qiyməti

SOCAR bp ilə müqavilə imzalayıb

SOCAR bp ilə müqavilə imzalayıb

Date: 8 January 2016 18:53


Bakı, 8 yanvar, AZƏRTAC
Yanvarın 8-də Azərbaycan Respublikası Dövlət Neft Şirkətində (SOCAR) bp Exploration (Caspian Sea) Limited şirkəti ilə SOCAR-ın Təlim, Tədris və Sertifikatlaşdırma İdarəsinin Qobustan regional təlim mərkəzində (QRTM) 10 ay müddətində texniki peşə ixtisasları üzrə fəhlə kadrların hazırlanması proqramı çərçivəsində Qaradağ rayonunun 40 gənc sakininə təlim keçirilməsi üzrə SOCAR ilə bp şirkəti arasında mövcud Sazişin ikinci fazası olan müqavilə imzalanıb. Sənədi SOCAR-ın kadr, rejim və informasiya texnologiyaları üzrə vitse-prezidenti Xalik Məmmədov və “bp-Azerbaijan” şirkətinin vitse-prezidenti Bəxtiyar Aslanbəyli imzalayıblar.
SOCAR-ın mətbuat xidmətindən AZƏRTAC-a bildirilib ki, layihənin ikinci fazası çərçivəsində 2016-cı il dekabrın 31-dək Qaradağ rayonunun sakini olan 40 nəfər gənc üçün 10 aylıq fəhlə kadrlarının hazırlanması proqramı daxilində peşə təlimi xidmətlərinin yerinə yetirilməsi nəzərdə tutulur. bp-nin Davamlı İnkişaf Təşəbbüsləri layihəsi çərçivəsində keçirilən bu proqrama əsasən, texnoloji qurğuların operatoru ixtisası üzrə 13, təmirçi çilingər ixtisası üzrə 13, elektrik avadanlıqlarının təmiri və xidməti üzrə elektrik montyoru ixtisası üzrə 14 gənc QRTM-də təhsilə cəlb olunacaq. Layihənin məqsədi 6 inzibati binadan və qaynaq emalatxanasından ibarət QRTM-də müasir avadanlıqlar, tədris vəsaitləri və simulyator qurğularından istifadə etməklə, ixtisaslı və səriştəli müəllimlərin vasitəsilə 3 peşə ixtisası üzrə nəzəri və praktiki bilikləri tədris etmək, habelə SOCAR-ın müəssisələrində həmin gənclərə istehsalat təcrübəsini aşılamaq və onların peşə ixtisaslarına yiyələnmələrinə dəstək verməkdir.
SOCAR-ın vitse-prezidenti Xalik Məmmədov şirkətin genişmiqyaslı və çoxşaxəli kadr hazırlığı proqramları həyata keçirdiyini, yüksək ixtisaslı fəhlə kadrların hazırlanmasını daim diqqət mərkəzində saxladığını bildirib. Qeyd olunub ki, əvvəlki illərdə layihə çərçivəsində təlim-tədris prosesi yüksək səviyyədə təşkil edilib və istehsalata ixtisaslı peşəkar fəhlə kadrlar göndərilib.
“bp-Azerbaijan” şirkətinin vitse-prezidenti Bəxtiyar Aslanbəyli SOCAR-ın təlim mərkəzinin təlim və tədris imkanlarını yüksək dəyərləndirib və kadr hazırlığı üzrə əməkdaşlığın bundan sonra da davam etdiriləcəyini bildirib.

Tags:  SOCAR bp müqavilə imzalayıb



RƏYLƏR


Top news