Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

“NAZ Lifan” avtomobilləri Gəncə şəhərinin küçələrində

“NAZ Lifan” avtomobilləri Gəncə şəhərinin küçələrində

Date: 8 January 2016 18:58


Bakı, 8 yanvar, AZƏRTAC
Gəncə artıq rəsmi olaraq Avropanın gənclər paytaxtıdır. Nizami yurdu bu il şəhərə üz tutacaq xarici qonaqları qəbul etməyə hazırlaşır. Bu istiqamətdə daha bir yenilik həyata keçirilib. Belə ki, şəhərin küçələrində “Gəncə Avropa Gənclər Paytaxtı-2016” loqolu taksilərə rast gəlmək mümkündür.
AZƏRTAC xəbər verir ki, bu maraqlı təşəbbüs Naxçıvan Avtomobil Zavodu tərəfindən irəli sürülüb. Müəssisədə istehsal olunan “NAZ Lifan” avtomobilləri “Gəncə Avropa Gənclər Paytaxtı-2016” loqoları ilə bəzədilərək Nizami yurduna göndərilib. Hazırda şəhərdə fəaliyyət göstərən bu cür taksilərin sayı 6-ya çatıb. Gələcəkdə bu rəqəmin artırılması nəzərdə tutulub.
NAZ-ın mətbuat xidmətinin rəhbəri Məqsəd Rəhimov deyib: “Gəncənin “Avropa Gənclər Paytaxtı” olması ilə əlaqədar Avropadan və dünyanın müxtəlif ölkələrindən xeyli sayda qonaqlar, turistlər bu şəhərə gələcək. Gəncə Şəhər İcra Hakimiyyətinin rəhbərliyi tərəfindən şəhərdə irimiqyaslı tikinti-abadlıq işləri aparılır. Görülmüş işlər nəticəsində Gəncə gündən-günə inkişaf edir, gözəlləşir, sakinlərin rahatlığı ən yüksək səviyyədə təmin olunur. Təbii ki, belə bir şəraitdə müasir standartlara cavab verən taksilərin şəhərdə fəaliyyət göstərməsi vacibdir. Bu baxımdan da Naxçıvan Avtomobil Zavodu Gəncə Şəhər İcra Hakimiyyətinin rəhbərliyinin yaratdığı şəraitə müvafiq olaraq Gəncədə belə bir xidmətin fəaliyyət göstərməsini planlaşdırdı”.
Bu taksilərin sürücüləri vahid formadan istifadə edir. Qısa vaxt ərzində istismara verilməsinə baxmayaraq, taksilər şəhər sakinlərinin marağına səbəb olub. Yaxın vaxtlarda taksilərə taksometrlər də quraşdırılacaq.
Sərnişinlərin, xüsusilə də şəhərə gələn xarici qonaqların taksilərdən istifadəsini asanlaşdırmaq üçün çağrı mərkəzinin yaradılması da planlaşdırılır.
Gəncədə yeni taksi xidməti ilə məşğul olmaq istəyənlər 11500 manat ödəməklə və ya ikin 2000 manat, ayda 361 manat olmaqla, 3 il müddətinə hissə-hissə ödəməklə “NAZ Lifan” taksiləri əldə edə bilərlər.

Tags:  NAZ Lifan avtomobilləri Gəncə şəhərinin küçələrində


RƏYLƏR


Top news