Aktual mövzular: Dollar alış-satışı , Hava haqqında, Məzənnə, Neftin qiyməti

Passiv siqaret çəkmə ev heyvanlarına da ziyan vurur

Passiv siqaret çəkmə ev heyvanlarına da ziyan vurur

Date: 8 January 2016 23:32

Qlazqo Universitetinin (Şotlandiya) alimləri siqaret çəkən adamla bir dam altında yaşayan it və pişiklərin orqanizminə passiv siqaret çəkmənin təsirinə həsr olunmuş çox qeyri-adi bir tədqiqat aparıblar. Şotlandiya alimləri bir neçə min it və pişik tükü nümunəsini tədqiq ediblər. AZƏRTAC "healt-ua.org" saytına istinadən xəbər verir ki, tədqiqat müəllifləri ev heyvanlarının tük nümunələrində təmiz havada keçirdikləri vaxtdan asılı olmayaraq xeyli nikotin və tütün tüstüsünün digər komponentlərini aşkar ediblər.

Alimlər vurğulayıblar ki, passiv siqaret çəkmə itlərlə müqayisədə pişiklər üçün daha təhlükəlidir, çünki onlar öz tüklərini müntəzəm təmizləyir, səylə yalayırlar. Bu yolla da təhlükəli maddə "porsiyasını" gündə bir neçə dəfə udurlar.

Alimlər bildirirlər ki, ev heyvanları kiçik olduğu üçün "ikinci səviyyəli" passiv siqaret çəkməyə insanlarla müqayisədə xeyli çox məruz qalır. Bu heyvanlar tütünün yanması nəticəsində döşəmə üzərində toplanan məhsullarla nəfəs alır.

Milli.Az


Tags:  Passiv siqaret çəkmə ev heyvanlarına ziyan vurur

RƏYLƏR


Top news