Bakı, 9 yanvar, AZƏRTAC
"AtraBank" ASC milli valyutanın məzənnəsinin ABŞ dollarına nisbətən dəyişməsi ilə əlaqədar borcalanlar tərəfindən kredit ödənişlərinin gecikdirilməsi hallarının qarşısını almaq üçün ABŞ dolları ilə verilmiş kreditlərin restrukturizasiyası (ödəniş müddətinin və kredit faizlərinin dəyişdirilməsi) prosesinə başlayıb.
Bankdan AZƏRTAC-a bildiriblər ki, "AtraBank" ASC-dən xarici valyutada kredit götürmüş müştərilərlə kreditlərin restrukturizasiyasının şərtlərinin razılaşdırılması, kredit və girov müqavilələrinə əlavə və dəyişikliklərin edilməsi məqsədilə fərdi qaydada görüşlər keçirilir.
